Humbja e thellë 0-3 ndaj Tiranës ka krijuar një situatë tensioni te Vora, ku trajneri Arjan Bellai dha sinjale të qarta për një dorëheqje të mundshme pas ndeshjes.
Tekniku u shpreh se skuadra kishte nevojë për ndryshim, duke lënë të kuptohej se cikli i tij në krye të stolit mund të kishte përfunduar. Megjithatë, gazetari Gert Çarçani, ka sqaruar se presidenti Xhabafti nuk e ka marrë fare në konsideratë largimin e trajnerit.
Sipas tij, kreu i klubit i ka ofruar mbështetje të plotë Bellait, duke mbetur i habitur nga deklaratat e tij pas takimit. Pavarësisht krizës së gjatë të rezultateve dhe mungesës së fitoreve, drejtuesit e Vorës dëshirojnë stabilitet deri në fund të sezonit.
Aktualisht, ekipi ndodhet në vendin e 8-të me 27 pikë, duke mbetur rrezikshëm pranë “zonës së ftohtë” të tabelës.
