Partizani dhe Vllaznia barazuan 1-1 mes tyre, në sfidën e vlefshme për javën e 12-të në Superiore.
Në një ndeshje shumë të luftuar në kryeqytet, dy ekipet u detyruan të ndajnë nga një pikë mes tyre. Ndryshe nga javët e tjera, Partizani tregoi grintë në fushë dhe pati disa raste të pastra për shënim.
Ndeshja u zhbllokua në fundin e pjesës së parë, kur Toma fitoi duelin me Gjinin dhe i dha avantazhin kryeqytetasve.
Vllaznia e nisi vrullshëm pjesën e dytë dhe barazoi me Esat Malën në minutën e 59-të.
SHIKONI RENDITJEN: https://vetemsport.com/java-e-12-superiore-renditja/
Pas kësaj, Partizani kishte disa raste të pastra për golin e avantazhit, por nuk i shfrytëzoi dot.
Me këtë barazim, Vllaznia mbetet në krye me 24 pikë, po aq sa Elbasani, ndërsa Partizani renditet i shtati me 13 pikë.
