Babukar Jata është rikthyer te Partizani pas një periudhe të gjatë mungese prej gati pesë muajsh.
Arsyeja kryesore ishte viza, e cila u vonua dhe e pengoi të ishte pjesë e ekipit, raporton “Panorama Sport”.
Mesfushori, i konsideruar si një nga lojtarët me perspektivë te Partizani, pritet të nisë nga e para për të treguar vlerat e tij.
Ai kishte ardhur te kryeqytetasit në verën e vitit 2024 dhe u dallua menjëherë si element premtues, si me ekipin U-19, ashtu edhe me Partizani B.
Në 27 ndeshje kishte realizuar 7 gola dhe kishte dhënë sinjale të forta për të kaluar një hap më lart.
