Liverpool ka marrë një lajm të keq nga infermieria, pasi mbrojtësi Giovanni Leoni ka pësuar këputje të ligamentit të gjurit të majtë.
Italiani 18-vjeçar u dëmtua në debutimin e tij kundër Southampton-it dhe u largua nga fusha me barelë. Testet mjekësore kanë konfirmuar se periudha e rikuperimit do të zgjasë rreth shtatë muaj. Kjo do të thotë se sezoni aktual për të është pothuajse i mbyllur.
Parashikimet flasin për një rikthim në prill 2026, megjithatë është e vështirë që lojtari të rikthehet në formën optimale para fundit të sezonit.
Leoni u afrua këtë verë nga Parma, pasi Liverpool fitoi garën me disa klube italiane. Klubi anglez e kishte parë atë si një investim afatgjatë për mbrojtjen.
