Dinamo ka fituar Superkupën e Shqipërisë. Kryeqytetasit triumfuan 3-1 me përmbysje ndaj Egnatias, në finalen e zhvilluar në stadiumin “Air Albania”.
Egnatia kaloi e para në avantazh me Ruçin në minutën e 9-të dhe e mbylli në avantazh pjesën e parë.
Fraksioni i dytë nisi vrullshëm nga skuadra e Ilir Dajës. Bregu barazoi në minutën e 55-të, ndërsa Nani përmbysi rezultatin 4 minuta më vonë.
Në fund, Dinamo fitoi edhe një penallti, të cilën e ktheu në gol Klevi Qefalija, i cili vulosi takimin në 3-1.
