Lecce fitoi 1-0 ndaj Pisas në shtëpi. Por një lajm i keq ka ardhur në minutën e 11-të të sfidës. Mesfushori i Kombëtares shqiptare, Medon Berisha ka lënë fushën e lojës për shkak të një dëmtimi.
Një dëmtim i çuditshëm për shqiptarin, i cili papritur ra në tokë. Por ky dëmtim duket mjaft serioz, pasi duhej barela për ta nxjerrë nga fusha mesfushorin e Shqipërisë, i cili u largua mes lotësh.
Pas ndeshjes, presidenti i Lecces tha se bëhej fjalë për dëmtim muskulor, por ende nuk kanë dalë përgjigjet e analizave.
Kujtojmë se 22-vjeçari po kalon formën e jetës. Deri më tani këtë sezon, ai ka shënuar 2 gola dhe asistuar në 3 të tjerë.
