Përveçse shtetas i Kosovës, Edon Zhegrova tani është zyrtarisht edhe shtetas i Shqipërisë.
Pas kërkesës së bërë nga ai vetë, sulmuesi ka marrë pasaportën e Shqipërisë.
Sigurisht kjo nuk ka lidhje me përfaqësimin e Kombëtares, sepse Zhegrova është pjesë e përfaqësueses së Kosovës.
Kjo mund ta ndihmojë atë me një transferim te Juventusi, pasi shqiptarët nuk llogariten më të huaj në Itali që nga viti i kaluar.
Dekreti për dhënien e shtetësisë shqiptare ka hyrë menjëherë në fuqi dhe është botuar në Fletoren Zyrtare.
Kjo është firmosur edhe nga Presidenti i Republikës së Shqipërisë, Bajram Begaj.
