Flamurtari ka nisur menjëherë përgatitjet për ndeshjen e radhës kundër Teutës, e cila do të luhet në qytetin e Vlorës.
Pas sfidës me Partizanin, vëmendja e ekipit është përqendruar te objektivi për të siguruar mbijetesën në kampionat.
Trajneri Andi Ribaj ka bërë të qartë se skuadrës i nevojiten gjashtë pikë në dy takimet e mbetura të sezonit.
Gjatë analizës me lojtarët, ai vlerësoi forcën e kundërshtarit dhe kërkoi përqendrim maksimal gjatë gjithë lojës. Sipas tij, rezultati pozitiv duhet të arrihet përmes angazhimit të plotë në fushën e blertë.
Paralelisht, klubt ka ndërmarrë hapa për të rritur motivimin e lojtarëve në këtë fazë vendimtare. Presidenti Sinan Idrizi ka akorduar një shpërblim prej 50 milionë lekësh në rast suksesi ndaj Teutës.
Ky bonus pritet të rritet ndjeshëm nëse ekipi arrin të fitojë edhe ndeshjen pasuese ndaj Vllaznisë në transfertë. Shuma totale e premtuar për dy fitore radhazi arrin vlerën e 200 milionë lekëve.
Këto masa financiare konfirmojnë rëndësinë që ka qëndrimi në kategori për drejtuesit e klubit vlonjat. Aktualisht, skuadra po vijon procesin stërvitor sipas planeve të stafit teknik.
