Redon Xhixha po bën gjithçka për të mos munguar në “Klasiken” e futbollit shqiptar kundër Vllaznisë, pavarësisht një dëmtimi që pësoi në ndeshjen e fundit ndaj Teutës.
Sulmuesi kryesor i bardhebluve, i cili la fushën në minutën e 59-të në sfidën ndaj durrsakëve, pritet të luajë me injeksione qetësuese për të përballuar dhimbjet.
Stafi mjekësor i Tiranës është angazhuar maksimalisht për ta rikuperuar në kohë rekord, ndonëse vendimi final për aktivizimin e tij do të merret vetëm pak çaste para fillimit të takimit.
Kjo sakrificë e lojtarit tregon rëndësinë jetike që ka kjo përballje për objektivat e sezonit të kryeqytetasve, të cilët nuk duan të privohen nga shërbimet e lojtarit të tyre më produktiv në një moment kaq vendimtar.
