Kristjan Asllani mbetet ende pa një destinacion të qartë, ndërsa merkato e verës po shkon drejt fundit.
Mesfushori shqiptar u përfol se ishte shumë pranë kalimit te Bologna, por negociatat kanë ngecur. Arsyeja kryesore lidhet me diferencën mes kërkesës dhe ofertës për pagën e tij.
Bologna ofron 1.5 milionë euro në vit, ndërsa Asllani kërkon 2 milionë euro. Diferenca prej 500 mijë eurosh ka bërë që bisedimet të mos finalizohen. Interi, që zotëron kartonin e tij, është i hapur për të bërë lëshime në kushtet e transferimit.
Klubi zikaltër e sheh lojtarin si të tepërt në skuadër dhe synon largimin e tij. Ende nuk dihet nëse palët do të arrijnë një marrëveshje në ditët e mbetura të merkatos.
