Federata Shqiptare e Futbollit do të organizojë të hënën, më 13 korrik, shortin për edicionin e 88-të të kampionatit “Abissnet Superiore” për sezonin 2026-2027.
Ceremonia do të mbahet në ambientet e “Shtëpisë e Futbollit” në orën 11:00. Mësohet se FSHF ka shtyrë datën për hedhjen e shortit të kalendarit për Kategorinë e Parë.
Shkak për këtë vonesë është bërë procesi i licencimit të impianteve sportive, pasi disa klube nuk i plotësojnë ende kriteret infrastrukturore. Problematika shtohet nga fakti se disa skuadra si Iliria dhe Kastrioti do të ndajnë të njëjtin stadium në Fushë-Krujë, ndërsa Besa po tenton të licencojë aneksin stërvitor për të shmangur zhvendosjen jashtë Kavajës.
Detyra specifike u janë lënë edhe ekipeve të sapo ngjitura si Oriku, Besëlidhja dhe Sopoti për të përmirësuar standardet e fushave të tyre.
Për rrjedhojë, shorti i Kategorisë së Parë do të hidhet vetëm pasi të sqarohet përfundimisht harta e stadiumeve të miratuara për këtë edicion.
