David Fadairo ka mbyllur zyrtarisht aventurën e tij në kompeticionet evropiane me Dinamo City-n dhe është rikthyer te skuadra e Partizanit.
Sulmuesi pritet t’i bashkohet ekipit të kuq gjatë ditëve në vijim për të nisur stërvitjen nën urdhrat e stafit teknik. Gjatë periudhes së tij te Dinamo, Fadairo tregoi një formë të shkëlqyer duke realizuar 3 gola në arenën ndërkombëtare.
Edhe pse në sfidat e para u aktivizua si zëvendësues, në përballjen e fundit ndaj Pafos-it ai e nisi si titullar dhe gjeti sërish rrugën e rrjetës. Performancat e tij bindëse në Evropë konfirmojnë se lojtari ndodhet në një moment mjaft të mirë fizik dhe psikologjik.
Rikthimi i tij konsiderohet një përforcim mjaft i rëndësishëm për repartin e avancuar të të kuqve për vazhdimësinë e kampionatit. Tashmë Partizani do të ketë në dispozicion një sulmues me ritëm të lartë loje dhe me vetëbesim të shtuar.
