Klubi Albanët do të rikthehet në futbollin shqiptar. Kjo u konfirmua nga presidenti Alban Miftari, në një intervistë të dhënë për “Ligasport.al”.
“Albanët rikthehet në sezonin e ri me ambicie të forta dhe objektiva të qarta për të ardhmen. Në krye të stafit teknik do të jenë dy figura me vlera të larta të sportit shqiptar, Alpin Gallo si trajner dhe Altin Birçe si zëvendëstrajner, të cilët do të kenë përgjegjësinë për të drejtuar ekipin drejt rezultateve sa më të mira.
Me një projekt të orientuar drejt zhvillimit të futbollistëve dhe ndërtimit të një skuadre konkurruese, Albanët synon të jetë një nga ekipet protagoniste të sezonit të ri”, deklaroi presidenti i FC Albanët, Alban Miftari.
Sezonin e kaluar, Albanët nuk mori pjesë në Kategorinë e Dytë, duke u zëvendësuar nga KF Shiroka.
Tashmë, Albanët rikthehet dhe sezonin e ri do ta nisë nga Kategoria e Tretë, me ambicie për të qenë protagonist.
