Kleandro Lleshi është zyrtarisht futbollisti më i ri i Elbasanit, pasi ka nënshkruar kontratën dhe i është bashkuar menjëherë ekipit në stërvitje.
Mbrojtësi 26-vjeçar vjen si një përforcim me përvojë në kampionatin shqiptar, ku më parë ka veshur fanellat e Tiranës, Laçit dhe Kukësit.
Afrimi i tij do të shërbejë si një opsion i rëndësishëm për qendrën e mbrojtjes, duke i dhënë më shumë zgjedhje trajnerit dhe duke rritur konkurrencën në prapavijë.
Së fundmi, 26-vjeçari ishte pjesë e Tiranës, por e mbylli përvojën me bardheblutë në rrugë gjyqësore për shkak të vonesave financiare.
Me këtë zyrtarizim, Elbasani vazhdon plotësimin e organikës në kuadër të përgatitjeve për startin e sezonit të ri.
