Cristiano Ronaldo ishte protagonist në fitoren e thellë të Portugalisë 5-0 kundër Armenisë, duke shënuar dy gola. Sulmuesi 40-vjeçar realizoi në minutën e 21-të dhe të 46-të, para se të zëvendësohej nga Gonçalo Ramos.
Me këto dy gola, ai ka arritur në 38 realizime në kualifikueset e Botërorit, duke kaluar Lionel Messin, që ka 36 gola në 72 ndeshje.
Aktualisht, Ronaldo është në vendin e dytë të renditjes historike dhe i duhet vetëm një gol për të barazuar rekordin. Në krye qëndron Carlos Ruiz i Guatemalës, tashmë i tërhequr nga futbolli, me 39 gola në 47 ndeshje.
