Shqipëria do të përballet më 11 tetor me Serbinë, në një ndeshje vendimtare për rrugëtimin drejt Botërorit.
Trajneri i serbëve, Stojkoviç, pritet të shpallë së shpejti listën e futbollistëve të grumbulluar. Mediat serbe raportojnë se në përzgjedhje do të ketë dy emra të rinj.
I pari është Aleksandar Stankoviç, mesfushor 20-vjeçar që luan në Belgjikë me Club Brugge, i huazuar nga Interi. Ai është djali i ish-kapitenit të njohur Dejan Stankoviç dhe nuk ka luajtur më parë me ekipin A.
Emri tjetër është Andrej Iliç, sulmues 25-vjeçar që aktivizohet me Union Berlinin në Bundesliga. Ky do të jetë debutimi i tij në listë, me mundësi për të luajtur kundër Shqipërisë dhe më pas ndaj Andorrës.
