Pavarësisht se luajti si titullar në Kupën e Ligës ndaj Cadriff, Armando Broja nuk ia doli të bindë trajnerin Scott Parker.
Burnley u mund 2-1 dhe u eliminua nga turneu, ndonëse përballë kishte një skuadër të kategorisë së tretë. Në pjesën e parë ekipi pësoi dy gola dhe Broja humbi një mundësi të mirë për të barazuar rezultatin.
Në pjesën e dytë, presingu i tij ndaj portierit shkaktoi një gabim që solli golin e vetëm të Burnley. Sulmuesi pati edhe një tjetër rast për shënim, por gjuajtja e tij u ndal nga portieri. Pak minuta para fundit, ai u zëvendësua, pa mundur të ndryshonte fatin e ndeshjes.
Broja po has vështirësi për të fituar minuta dhe besimin e trajnerit në skuadrën angleze. Kjo situatë mund të reflektohet edhe në paraqitjet me kombëtaren, në prag të sfidës së rëndësishme ndaj Serbisë.
