Trajneri i Tiranës, Orges Shehi, ka marrë një ofertë zyrtare nga skuadra e Prishtinës, projekt i cili po shqyrtohet me kujdes prej tij përpara një vendimi përfundimtar.
Sipas raportimeve të fundit, klubi kosovar synon t’ia besojë pankinën teknikut shqiptar për të arritur objektivat e larta në kampionat, ndonëse nuk përjashtohet edhe qëndrimi i tij te Tirana.
Paralelisht, vëmendja është përqendruar edhe te sulmuesi dhe kapiteni i skuadrës, Redon Xhixha, i cili mbetet një nga emrat më të kërkuar në tregun e transferimeve. Pavarësisht interesimit të shfaqur nga disa klube vendase dhe të huaja, lojtari ka shprehur dëshirën për të vijuar qëndrimin në kryeqytet.
Ai dëshiron të ruajë statusin e liderit në repartin e avancuar të ekipit të Tiranës edhe për vitin e ardhshëm. Drejtuesit e klubit po punojnë intensivsht për të gjetur akordin e plotë me të dy protagonistët kryesorë.
