Dueli i javës së dytë mes Flamurtarit dhe Bylisit, u mbyll në një barazim spektakolar me rezultatin 3-3.
Gjashtë gola të shënuar në stadiumin “Adush Muça”, por ekipet ndanë nga një pikë mes tyre. Vlonjatët e nisën ndeshjen shumë mirë, me dy gola të shënuar nga Bourard në minutën e 5-të dhe Maksuti në minutën e 22-të.
Megjithatë ballshiotët gjetën forcën dhe barazuan me golat e Walisson në minutën e 24-t dhe Mouctar në minutën e 46-të.
Maksuti riktheu avantazhin e kuqezinjve në minutën e 65-të, por vetëm 5 minuta më vonë, Walisson barazoi shifrat në 3-3, me rezultatin që nuk ndryshoi deri në fund.
Për Bylisin ky është barazimi i dytë radhazi, ndërsa Flamurtari merr pikën e parë, pas humbjes në ndeshjen e parë ndaj Elbasanit.
/tvklan.al
