Java e dytë në Kategorinë e Parë ka sjellë surpriza sa i përket rezultateve. Burreli triumfoi 2-0 ndaj Kukësit, në një ndeshje të shkëlqyer nga ana e matjanëve, që shijojnë suksesin e parë sezonal.
Laçi nuk zhgënjeu ndaj Kastriotit dhe fitoi me rezultatin 3-1. Për kurbinasit kjo është fitorja e dytë radhazi dhe marrin përkohësisht kryesimin.
Në dy duele të tjera, nuk kishte fitues dhe as gola. Iliria ndali Pogradecin, ndërsa Besa ngeci ndaj Korabit.
Apolonia dhe Luftëtari ndanë nga një pikë mes tyre, pas barazimit 1-1 në Fier.
/CNA
