Mbrojtësi i Kombëtares Shqiptare, Arlind Ajeti, shkaktoi panik në zonën e Polonisë, duke u larguar nga fusha para kohe.
Gjatë një rivënieje këndore, mbrojtësi u përfshi në një përplasje të fortë fizike me lojtarët polakë, duke mbetur i shtrirë në tokë pas një dëmtimi serioz në shpatull.
Situata detyroi trajnerin Silvinjo të kryente një zëvendësim të menjëhershëm, duke futur në lojë Ardian Ismajlin për të blinduar prapavijën.
Ankthi për gjendjen e tij fizike ishte i madh, por vetëm pak çaste më parë ka ardhur edhe reagimi i parë nga vetë titullari kuqezi.
Përmes një mesazhi të shkurtër, Ajeti ka falënderuar të gjithë fansat dhe dashamirësit për mesazhet e shumta mbështetëse që i kanë mbërritur pas përfundimit të takimit, duke qetësuar disi situatën pas disfatës në Varshavë.
