Marc Guehi dukej i destinuar për tu transferuar te Liverpool, me kampionët e Anglisë që kishin mbyllur akordin me Crystal Palace.
Madje mbrojtësi kaloi edhe vizitat mjekësore te Liverpool. Kur pritej zyrtarizimi dhe firma në kontratë, erdhi njoftimi për dështimin e transferimit.
Crystal Palace kishte zgjedhur Igor Julio si zëvendësues, por transferimi i këtij të fundit nuk u konkretizua. Në këtë situatë, trajneri Oliver Glasner që refuzoi largimin e Guehi.
Pavarësisht këmbënguljes së drejtuesve, tekniku austriak kërcënoi me largim nëse nuk rikthehej mbrojtësi.
Kështu Crystal Palace anuloi transferimin dhe marrëveshjen për 40 milionë euro. Guehi mund të largohet falas në merkaton e verës, pasi në fund të sezonit i skadon kontrata.
/tvklan.al
