Sulmuesi i Kombëtares shqiptare, Mirlind Daku, ka dhënë shenja pozitive rreth gjendjes së tij fizike përmes një postimi në rrjetet sociale.
28-vjeçari është shfaqur duke u stërvitur me grupin te skuadra e Rubin Kazanit në Rusi, pas një dëmtimi muskulor. Ky rikthim vjen pas deklaratave shqetësuese të trajnerit Franc Artiga, i cili e kishte cilësuar lëndimin e tij si jo të lehtë.
Prania e tij në fushë rrit gjasat që lojtari të jetë i gatshëm për ndeshjen e rëndësishme mes Polonisë dhe Shqipërisë më 26 mars. Daku ka një kujtim mjaft pozitiv ndaj polakëve, pasi në vitin 2023 shënoi golin e tij të parë me fanellën kuqezi pikërisht ndaj tyre.
Trajneri Silvinjo po monitoron me kujdes gjendjen e sulmuesit përpara shpalljes së listës zyrtare për fazën “play-off”.
