Sergiy Rebrov ka mbyllur zyrtarisht rrugëtimin e tij si trajner i përfaqësueses së Ukrainës. Pas tre vitesh në krye të pankinës, tekniku 51-vjeçar dhe Federata Ukrainase e Futbollit kanë rënë dakord për të ndërprerë bashkëpunimin.
Gjatë kësaj periudhe, Rebrov drejtoi ekipin në 34 ndeshje, duke regjistruar një bilanc pozitiv me 16 fitore, 8 barazime dhe 10 humbje.
LEXO EDHE: Silvinjo merr vendimin për të ardhmen, trajneri zbarkon në Tiranë
Megjithatë, presioni mbi Rebrov ishte rritur ndjeshëm kohët e fundit. Pakënaqësia e tifozëve arriti kulmin pas miqësores së fundit kundër Shqipërisë, ku të dyja skuadrat u ndeshën pas eliminimit nga faza “play-off” për kualifikueset e radhës.
Ndonëse u prit disa javë për të analizuar situatën, dështimi në objektivin kryesor dhe humbja e mbështetjes së publikut bënë që largimi i tij të ishte i pashmangshëm.
