Skënderbeu është pranë arritjes së marrëveshjes me sulmuesin Aldi Gjumsi për pjesën e mbetur të sezonit.
23-vjeçari, i cili së fundmi mbylli bashkëpunimin me Tiranën, ishte në bisedime të avancuara me ekipin e Besës, por ndërhyrja e korçarëve ka ndryshuar rrjedhën e negociatave.
Gjumsi nuk u aktivizua në asnjë ndeshje zyrtare gjatë fazës së parë me bardheblutë, duke dalë jashtë planeve të stafit teknik të kryeqytetasve. Skënderbeu e vlerëson lojtarin si një përforcim cilësor për të rritur forcën sulmuese në Kategorinë e Parë.
Aktualisht, skuadra korçare kryeson renditjen dhe synon rikthimin e menjëhershëm në Kategorinë Superiore. Zyrtarizimi i marrëveshjes pritet të bëhet në ditët në vijim pas detajeve të fundit kontraktuale. Ky transferim do të shtonte opsionet ofensive për ekipin bardhekuq në garën për titullin kampion.
