Laçi është shpallur kampion i Kategorisë së Parë, për sezonin 2025-2026. Kurbinasit triumfuan minimalisht ndaj Skënderbeut në transfertë, në javën e fundit.
Një gol i shënuar nga Arlind Kurti në minutën e 96-të, i dhuroi trofeun e kampionit Laçit. Kujtojmë se Skënderbeu luajti me 10 lojtarë nga minuta e 76-të, kur Diaye u ndëshkua me të kuq.
Me këtë sukses, Laçi siguroi titullin kampion dhe vendin e parë me 79 pikë, dy më shumë se Skënderbeu.
Korçarët dominuan sezonin, duke mbajtur vendin e parë për një kohë të gjatë, por e humbën në ndeshjen e fundit.
Të dyja skuadrat kanë siguruar më herët ngjitjen në Superiore, ku rikthehen pas një viti në Kategorinë e Parë.
