Pas përfundimit të sfidës dramatike në Korçë, ku Laçi u shpall kampion i Kategorisë së Parë, reagimet në fushë dhe në tribunë ishin krejtësisht të kundërta.
Presidenti i Skënderbeut, Ardian Takaj, u shfaq i tronditur dhe i shtangur nga humbja e titullit në sekondat e fundit të sezonit, pasi skuadra e tij kishte kryesuar kampionatin që nga fillimi. Numri 1 i klubit nuk i mbajti dot lotët.
Zhgënjimi ishte i madh edhe te lojtarët korçarë, ku portieri Dobjani u pa i përlotur në fushë i rrethuar nga tifozët, ndërsa futbollistët e tjerë u rrëzuan në tokë të dëshpëruar.
Në anën tjetër, atmosfera ishte festive për kurbinasit, të cilët siguruan trofeun falë golit të Kurtit në minutën e fundit shtesë.
Në tribunën VIP, presidenti i FSHF-së, Armand Duka, u pa në një gjendje mjaft të mirë emocionale teksa bënte shaka dhe përgëzonte presidentin e Laçit, Pashk Laska, për këtë sukses të rëndësishëm.
![asat mala]](https://vetemsport.com/wp-content/uploads/2026/06/asat-mala-768x508.png)
