Katër gola të shënuar dhe dy asistme në pesë ndeshjet e fundit në Korenë e Jugut me Gwangju, e kanë rikthyer Jasir Asanin në qendër të vëmendjes në merkato.
Forma e mirë e ish-sulmuesit të Partizanit nuk ka kaluar pa u vënë re nga klubet që janë të interesuara për të. Siç ka bërë me dije “Transfermarkt”, sulmuesi i kombëtares shqiptare është pranë kalimit në kampionatin iranian.
Esteghlal është i interesuar për të transferuar Jasir Asanin. Por deri më tani nuk ka asnjë negociatë konkrete mes klubit iranian dhe Gwangju. Në rast të një transferimi në Esteghlal, do të ishte eksperienca e parë e 30-vjeçarit në Iran.
