Pas interesimit të mëparshëm nga Barcelona dhe Bayern, edhe Chelsea ka bërë një ofertë zyrtare për Kenan Yildiz.
Klubi anglez i ka propozuar Juventusit një shumë prej rreth 68 milionë euro, por përgjigjja nga Torino ishte negative. Juventusi e konsideron të pashitshëm sulmuesin 20-vjeçar, i cili shihet si lideri i së ardhmes. Edhe pse kontrata aktuale e lojtarit është e vlefshme deri në vitin 2029, drejtuesit italianë janë gati ta rinovojnë dhe ta përmirësojnë me kushte më të favorshme.
Paga e Yildiz pritet të rritet ndjeshëm, duke reflektuar rëndësinë e tij në projektin sportiv të ekipit. Refuzimi ndaj Chelseat u bë pa diskutime të mëtejshme. Juventusi është i vendosur të mos e humbasë një prej talenteve më premtues në Europë.
