Kombëtarja e Shqipërisë U-17 ka publikuar listën zyrtare për dy ndeshjet miqësore ndaj Letonisë, të cilat do të luhen më 26 dhe 28 mars, ku bie në sy një emër i veçantë.
Bëhet fjalë për sulmuesin e moshave të Interit, Delis Gjeci, i cili ka vendosur të përfaqësojë ngjyrat kuqezi, duke lënë pas ekipin kombëtar të Italisë U-17.
Ky vendim vjen vetëm pak ditë pasi talenti shqiptar nënshkroi kontratën e tij të parë profesionale me gjigantët e Interit, duke konfirmuar rritjen e tij të madhe në rrafshin sportiv.
Ndonëse më parë kishte qenë pjesë e ekipeve zinxhir të “Azzurrëve”, Gjeci ka zgjedhur zemrën dhe origjinën, duke u shndërruar në një përforcim të madh për të ardhmen e futbollit shqiptar.
