Një vendim ekstrem ka tronditur ambientin vlonjat menjëherë pas sfidës mes Bylisit dhe Flamurtarit.
Presidenti i klubit kuqezi, Sinan Idrizi, ka vendosur të përjashtojë përgjithmonë nga ekipi kapitenin Lorenc Trashi.
Shkak për këtë masë drastike është bërë episodi i penalltisë së shkaktuar gjatë ndeshjes së sotme, veprim i cili nga drejtuesit është konsideruar si i qëllimshëm.
Vendimi i Idrizit erdhi fill pas mbërritjes së ekipit në Vlorë, ku një grup i madh tifozësh dhe grupimi “Flota Kuqezi” pritën skuadrën me protesta të ashpra pranë stadiumit.
Tifozëria vlonjate akuzon hapur kapitenin për “shitje” të ndeshjes, duke bërë që klubi të marrë këtë masë pa kthim për të qetësuar situatën dhe për të ruajtur integritetin e fanellës.
