Talenti i Tottenham-it, Leon Myrtaj, po largohet përfundimisht nga ngjyrat kuqezi.
Ndonëse vitin e kaluar ai ishte një pikë kyçe e Shqipërisë U17, ku shënoi 1 gol në 7 ndeshje, sulmuesi 17-vjeçar ka pranuar ftesën e kombëtares U19 të Hungarisë.
Myrtaj, i cili ka nënën hungareze, debutoi me përfaqësuesen e Hungarisë që në tetor dhe kjo ftesë e dytë sinjalizon një zgjedhje përfundimtare për të ardhmen e tij ndërkombëtare.
Aktualisht, Myrtaj po shkëlqen në Angli me Tottenham U18, duke u konfirmuar si një nga sulmuesit më premtues në Premier League për moshat, por gjasat që ai t’i bashkohet ekipit A të Shqipërisë në të ardhmen po veniten çdo ditë e më shumë.
