Amarildo Gjoni, 26 vjeç dhe ende pa grumbullim në Kombëtare, po kalon një formë të mirë me Sheriff Tiraspol.
Në ndeshjen ndaj Politehnica UTM, të vlefshme për javën e 8-të të kampionatit moldav, ai shënoi golin e parë në minutën e 12-të.
Pjesa e parë u mbyll 3-0 për Sheriff Tiraspol. Gjoni u ndëshkua me karton të kuq në minutën e 41-të. Pas 7 ndeshjesh këtë sezon në Superligën e Moldavisë, ai ka realizuar 6 gola dhe ka dhënë 1 asist.
Sulmuesi është me origjinë nga Malësia e Madhe. Ai ka luajtur më parë edhe për Elbasanin. Forma e tij aktuale e ka bërë një nga lojtarët më produktivë shqiptarë në kampionate të huaja.
