Tedi Cara është rikthyer në Shqipëri, ndërsa në rrjetet sociale ka postuar një foto ku shfaqet krah Olsi Ramës. Ky i fundit prej vitesh mbetet drejtor i përgjithshëm i Partizanit.
Sulmuesi po shfrytëzon pushimet në Ukrainë. Kështu ishte i pranishëm në stadium në mbështetje të Partizanit, pikërisht në dy sfidat e fundit me Egnatian dhe Dinamon.
Cara u shit në janarin e këtij viti tek Oleksandrija në Ukrainë. Prej atëherë është një ndër lojtarët më të rëndësishëm për skuadrën.
25-vjeçari numëron 33 paraqitje ku ka shënuar dhjetë gola. Oleksandrija po bën mjaft keq në këtë edicion, ndërsa mban vendin e parafundit dhe lufton për mbijetesë.
