Elbasani dhe Tirana u përballën në “Elbasan Arena”, në një ndeshje që u mbyll në barazim 1-1.
Episodi më i diskutuar i takimit u regjistrua në minutën e 72-të, kur gjyqtari Laver Alla akordoi një penallti në favor të Elbasanit. Pas këtij vendimi pati përplasje në zonën e Tiranës dhe reagime nga lojtarët bardheblu.
Te Tirana pretendojnë se Henri Marku u godit nga Fatjon Bunjaku gjatë aksionit të penalltisë. “Vetëm Sport” ju sjell videon e episodit ku përmendet ndërhyrja e Bunjakut.
Në shenjë proteste, Tirana qëndroi për rreth 10 minuta jashtë fushës së lojës. Ky është rasti i dytë në javët e fundit që Tirana shpreh pakënaqësi për gjykimin, pas protestave edhe në ndeshjen ndaj Teutës në Durrës.
