Thomas Strakosha ishte heroi i padiskutueshëm i AEK-ut në barazimin 1-1 kundër Olympiacos, në supersfidën e vlefshme për javën e 19-të të Superligës greke.
Ndonëse AEK kaloi në avantazh me Varga në minutën e 59-të, fitorja iu mohua vetëm në minutën e 106-të të shtesës, kur Mehdi Taremi barazoi përmes një penalltie.
Portieri i Kombëtares shqiptare bëri një paraqitje madhështore, duke pritur 5 nga 6 goditjet në kuadrat të rivalëve. Momentet kulminante ishin pritja spektakolare në minutën e 19-të dhe ajo “rrufe” në minutën e 94-t, që la lojtarët e Olympiacos të shokuar.
Strakosha u vlerësua nga “SofaScore” me notën rekord 8.6, duke u përfshirë edhe në formacionin e javës. Pavarësisht barazimit, AEK mbetet në vendin e parë me 45 pikë, ndonëse ndiqet nga afër nga PAOK.
