Te Partizani kanë nisur lëvizjet e para pas përfundimit të një edicioni që u kushtëzua ndjeshëm nga problemet e shumta fizike dhe dëmtimet e lojtarëve kryesorë.
Mbrojtësi i qendrës, Altin Bytyçi, ka mbyllur aventurën e tij trevjeçare me klubin kryeqytetas për të kaluar në kampionatin e Kosovës te skuadra e Dritës.
Futbollisti 25-vjeçar ka arritur akordin e plotë me klubin gjilanas dhe prezantimi i tij pritet të bëhet publik gjatë ditëve në vijim. Gjatë këtij sezoni, Bytyçi ishte një nga pikat kryesore të prapavijës së të kuqve, duke u aktivizuar në 37 ndeshje, në të cilat shënoi dy gola dhe dhuroi dy asistime.
Më parë, mbrojtësi ka mbajtur edhe fanellat e Kukësit, Laçit, Besës së Pejës si dhe ekipit kroat NK Medimurje.
Pas këtij largimi, drejtuesit e Partizanit synojnë të ndërhyjë në merkato për të ndërtuar një organikë më të qëndrueshme dhe për të shmangur problemet fizike që dëmtuan ecurinë e garës për trofe në edicionin e fundit.
