Jasir Asani po mban formën e tij fizike duke u stërvitur me ekipin e Partizanit, pas ndërprerjes së kampionatit në Iran për shkak të situatës së luftës.
Sulmuesi mbetet aktualisht nën kontratë me klubin e Esteghlalit, gjë që ia ndalon aktivizimin zyrtar me ndonjë skuadër tjetër sipas rregullave të FIFA-s.
Megjithatë, ekziston mundësia që organizata botërore e futbollit të japë një leje të posaçme për Asanin dhe Regi Lushkjan, nëse pasiguria në Lindjen e Mesme vijon.
Edhe në rast të një largimi të mundshëm nga Irani, rikthimi i tij te Partizani si lojtar mbetet i vështirë për t’u realizuar.
Sips raportimeve të fundit lojtari ka pasur kontakte për një rikthim të mundshëm në kampionatin e Koresë së Jugut, ku spikati më parë me ekipin e Gwangju.
Përveç Koresë, si një destinacion potencial për të ardhmen e tij mbetet edhe Japonia, ku ka pasur interesime të mëparshme.
Situata pritet të qartësohet në varësi të vendimeve që do të marrë FIFA për lojtarët që luajnë në zonat e konfliktit.
