Mbrojtësi i djathtë Andi Hadroj është shumë pranë arritjes së një marrëveshjeje për t’u transferuar te skuadra e Tiranës.
27-vjeçari ndodhet në bisedime të avancuara me drejtuesit bardheblu dhe akordi përfundimtar pritet të zyrtarizohet së shpejti. Ky zhvillim konsiderohet si një lëvizje surprizuese në momentet e fundit të merkatos verore.
Hadroj vjen te bardheblutë si lojtar i lirë pas mbylljes së aventurës së tij me ekipin ukrainas Polissya. Karrierën e tij në futbollin shqiptar ai e ka nisur te Laçi, për të vijuar më pas me fanellën e Bylisit.
Formën e tij më të mirë dhe pikun e karrierës mbrojtësi e arriti gjatë periudhës kur aktivizohej te Partizani. Tashmë, kalimi i tij te Tirana do të përbënte një lëvizje të bujshme drejt rivalëve të përjetshëm të ish-skuadrës së tij.
