Nedim Bajrami ka marrë një goditje të papritur te skuadra e tij e re në Arabinë Saudite.
Mesfushori shqiptar nuk është federuar nga Al-Taawoun për të luajtur në kompeticionin aziatik “AFC Champions League Two”. Mediat vendase bëjnë me dije se Bordi i Qëndrueshmërisë Financiare ka refuzuar kërkesën për të regjistruar futbollistin kuqezi.
Kjo pengesë ligjore ka ardhur si pasojë e kritereve mjaft të rrepta financiare që zbatohen për klube si Al-Taawoun. Në këtë mënyrë, Bajrami humbet mundësinë për të dhënë kontributin e tij në këtë veprimtari me rëndësi kontinentale.
Futbollisti u transferua në Arabi gjatë kësaj vere në formë huazimi për shumën e 200 mijë eurove pasi vuante mungesën e hapësirave te Rangers. Ndërkohë, situata e tij ndërlikohet më tej pasi ai mbeti tërësisht jashtë me ndeshjen e fundit që ekipi zhvilloi ndaj Al-Nassr.
