Trajneri i ri, zbulohet favoriti për stolin e Partizanit

Partizani pritet të pësojë ndryshime të shumta në verë. Lëvizja e parë do të jetë në stol, ku do të zgjidhet trajneri i ri, pas largimit të Oltion Kërnajës, drejtimin e ka marrë drejtori sportiv, Agim Ibraimi.

Ky i fundit do të drejtojë ekipin për dy javët e mbetura dhe më pas do të zgjidhet trajneri i ri, ku objektivat nuk mungojnë.

Sipas asaj që raportohet nga “Ligasport”, Shpëtim Duro shihet favorit për të marrë drejtimin e ekipit. Për Duron do të ishte një rikthim te Partizani, ndërsa gëzon edhe një mbështetje të madhe nga tifozët.

Po ashtu mes alternativave është edhe Ernest Gjoka. Ky i fundit e mbylli aventurën te Skënderbeu dhe ka dalë i lirë, pas ngjitjes së korçarëve në elitë.

Mbetet të shihet se cili do të zgjidhet në stolin e të kuqve të kryeqytetit.