Lautaro Martínez pritet të mungojë për rreth një muaj për shkak të një dëmtimi të pësuar në ndeshjen ndaj Bodo/Glimt në Norvegji.
Sulmuesi argjentinas dyshohet për një tendosje në pulpë, ndërsa stafi mjekësor është në pritje të konfirmimit përfundimtar nga analizat klinike.
Nëse parashikimet konfirmohen, kapiteni i Inter mund të humbasë deri në shtatë ose nëntë ndeshje në një fazë vendimtare të sezonit. Mes tyre përfshihen takime kampionati ndaj Lecce, Genoa, Como, Atalanta dhe Fiorentina, si dhe derbi me Milanin.
Në rrezik janë gjithashtu gjysmëfinalja e parë e Kupës së Italisë dhe ndeshja e kthimit ndaj Bodo/Glimt në “San Siro”. Mungesa e tij mund të prekë edhe përballjet e mundshme të raundit të 16-të në Ligën e Kampionëve.
Sipas parashikimeve, rikthimi mund të vijë pas pushimit të kombëtareve në fund të marsit. Këtë sezon, Martínez ka realizuar 18 gola dhe katër asiste në të gjitha kompeticionet.
