Tirana ka marrë një goditje të rëndë në fazën më kritike të kampionatit, pasi sulmuesi Etienne Tare ka mbyllur parakohe sezonin.
22-vjeçari pësoi një dëmtim serioz në shpatull, i cili kërkon një kohë të gjatë rikuperimi, duke e lënë ekipin bardheblu pa një opsion të rëndësishëm në sulm.
Lajmin e ka konfirmuar vetë lojtari përmes një mesazhi drejtuar tifozëve, ku shpreh keqardhjen që nuk mund të ndihmojë skuadrën në luftën për mbijetesë.
Tare theksoi se fokusi i tij tashmë mbetet procesi i shërimit për t’u rikthyer më i fortë në edicionin e ardhshëm. Ky lëndim vjen në një moment delikat për Tiranën, që po kalon një sezon të vështirë dhe me shumë mungesa.
Tashmë stafi teknik duhet të gjejë zgjidhje të reja për repartin ofensiv në ndeshjet e mbetura. Klubi pritet të njoftojë hapat e mëtejshëm për rehabilitimin e futbollistit.
