Lëvizje të papritura po ndodhin në Kategorinë Superiore vetëm dy javë para përfundimit të sezonit të rregullt.
Pas njoftimit zyrtar të Egnatias për ndërprerjen e bashkëpunimit me trajnerin Edlir Tetova, raportohet se tekniku ka gjetur menjëherë një destinacion të ri.
Sipas “Top Channel”, Tetova ka arritur akordin për të marrë drejtimin e Teutës së Durrësit.
Kjo lëvizje vjen fill pas dorëheqjes së Enkeleid Dobit nga stoli i durrsakëve, duke e lënë ekipin bregdetar përkohësisht pa drejtues. Aktualisht, kur mbeten edhe dy javë kampionat, tre ekipe elitare si Egnatia, Partizani dhe Teuta ndodhen pa një "timonier" zyrtar në stol.
Situata mbetet mjaft dinamike, ndërsa klubet po nxitojnë të mbyllin marrëveshjet për të siguruar objektivat e mbetur të sezonit.
