Sulmuesi 27-vjeçar Ze Gomes ka befasuar me lëvizjen e tij më të fundit në merkato, duke u transferuar në elitën e futbollit të Irakut te skuadra e Golan SC.
Ish-lojtari i Elbasanit mbylli një aventurë dyvjeçare me klubin verdheblu, ku kontribuoi në shpalljen e skuadrës si nënkampione përpara se të largohej si lojtar i lirë.
Përgjatë qëndrimit të tij në Shqipëri, sulmuesi regjistroi 58 paraqitje zyrtare dhe shënoi 12 gola. Iraku shënon një destinacion të ri në karrierën e pasur të lojtarit.
Ai më parë ka aktivizuar në disa kampionate të ndryshme europiane si në Portugali, Poloni, Bullgari, Itali, Rumani, Qipro dhe Ukrainë.
