Elseid Hysaj po kalon verën në Shqipëri, pasi u largua nga Lazio, ku i përfundoi kontrata.
Në pritje të një aventure të re në karrierë, mbrojtësi i djathtë, vazhdon të stërvitet për të mbajtur trupin në formë.
Hysaj është parë në stërvitje me Vllazninë, skuadrën e qytetit të tij të lindjes.
Në një foto të postuar nga tifozi shkodran, Bardhok Koka, shfaqet Hysaj me uniformën e Vllaznisë.
Kujtojmë se mbrojtësi është përfolur për një kalim të mundshëm te Lecce, por deri tani nuk ka pasur hapa konkretë.
