Prishtina ka zyrtarizuar afrimin e mbrojtësit Shkambi Baruti. Futbollisti 21-vjeçar u largua nga Partizani pas rikthimit nga huazimi te Erzeni dhe ka vendosur të vazhdojë karrierën në kryeqytetin e Kosovës.
Tekniku Zoran Zekiç nuk i dha hapësira në ndeshje zyrtare me Partizanin, ndërsa debutimin me të kuqtë e pati në miqësoren ndaj Romës në “Air Albania”. Klubi ka njoftuar se Baruti, i gjatë 194 cm, do të jetë pjesë e mbrojtjes së bardhebluve për sezonin e ri.
Njoftimi i Prishtinës:
“FC Prishtina ka zyrtarizuar transferimin Shkambi Barutit, qendërmbrojtësit 194 cm të gjatë, i cili i bashkohet skuadrës nga kryeqyteti.
Baruti vjen me një përvojë nga futbolli shqiptar. Ai ishte pjesë e Partizanit, më pas kaloi te Tomori, ndërsa së fundmi ka luajtur për ekipin e Erzenit.
21 vjeçari për faqen zyrtare te klubit u shpreh i lumtur që është pjesë e Prishtinës.
‘Është krenari të jesh pjesë e klubit ma të trofeshëm në Kosovë, premtoj se do ta jap maksimumin për këtë fanellë si dhe për tifozët e zjarrtë Plisat”, përfundoi Baruti.
![asat mala]](https://vetemsport.com/wp-content/uploads/2026/06/asat-mala-768x508.png)
