Mbrojtësi nga Pogradeci, Vangjel Zguro, ka nënshkruar zyrtarisht me skuadrën e Prishtinës, duke u vënë nën urdhrat e trajnerit Orges Shehi.
Lajmi i transferimit është bërë i ditur nga vetë klubi kryeqytetas përmes një njoftimi në rrjetet sociale, ku lojtari ka dhënë edhe deklaratën e tij të parë si pjesë e bardhebluve.
Zguro vjen te Prishtina me një përvojë të gjatë mbi supe, pasi gjatë karrierës së tij ka mbajtur veshur fanellat e disa ekipeve të njohura në kampionatin shqiptar, si Pogradeci, Kukësi, Skënderbeu, Partizani, Luftëtari, Bylisi dhe Kamza.
Përveç eksperiencës në Shqipëri, mbrojtësi i majtë ka luajtur edhe në Maqedoninë e Veriut me skuadrën e Strugës, si dhe ka pasur një periudhë aktivizimi në futbollin amerikan me ekipet Chattanooga Red Wolves dhe FC Tulsa.
