Saliou Sembene është shumë afër transferimit te skuadra e Gjilanit në Superligën e Kosovës, raporton Ligasport.al.
Pavarësisht se mbi tavolinë kishte oferta të shumta, mbrojtësi senegalez është bindur nga projekti i klubit dardan. Palët kanë avancuar ndjeshëm në bisedime dhe zyrtarizimi i marrëveshjes pritet të vijë së shpejti.
23-vjeçari spikati me paraqitjet e tij te Partizani gjatë edicionit të kaluar në Superiore. Megjithatë, gjatë periudhës së verës ai doli lojtar i lirë pasi nuk gjeti gjuhën e përbashkët për rinovimin e kontratës me kryeqytetasit.
Tashmë, mbrojtësi përgatitet të nisë një kapitull të ri në karrierën e tij në Superligën e Kosovës. Afrimi i tij do të konsiderohej një goditje e rëndësishme për repartin e mbrojtjes te skuadra e Gjilanit.
