Ndeshja Skënderbeu-Dinamo mund të mos luhet në Korçë. Shkak për këtë është bërë tapeti i stadiumit “Skënderbeu”.
Te juglindorët po punojnë për ta pasur gati për të hënën, por duket e vështirë për tu realizuar. Tapeti nuk është ende gati për të pritur ndeshje.
Te Skënderbeu janë në luftë me kohën dhe po bëjnë të gjitha përpjekjet e mundshme për ta pasur gati. Megjithatë, ekziston mundësia që ndeshja të zhvendoset.
Një hipotezë është që dueli i së hënës, të luhet me Dinamon si pritëse në një stadium tjetër dhe dueli i fazës së dytë të zhvillohet në Korçë.
Te Skënderbeu po mendojnë për këtë hipotezë, e cila kërkon miratimin e FSHF dhe të klubit Dinamo.
